பிரதமருக்கு கண்டனம் தெரிவித்து முகமூடி போராட்டம் ( படங்கள் )
இந்தியாவை ஊழல் தேசமாக்கிவிட்டது காங்கிரசும்,பி.ஜே.பி யும் 'சிக்கலில் உள்ளது நம் தேசம் என்ன செய்வதாய் உத்தேசம்?' என சேலம் மாவட்ட ஆட்சியர் அலுவலகம் அருகே நாட்டாண்மை கழக கட்டிடத்தின் முன் ஆர்ப்பாட்டத்தில் ஈடுபட்டனர் இந்திய ஜனநாயக வாலிபர் சங்கத்தினர்.
சேலம் மாநகராட்சி பின்புறம் இருந்து ஊர்வலமாக துவங்கி நாட்டாண்மை கழக கட்டிடத்தின் முன் திரண்டனர் நூற்றுக்கும் மேற்பட்ட வாலிபர் சங்கத்தினர்.
'கல்வி,வேலைவாய்ப்பு,சுகாதாரம்,விவசாயம்,பொதுத்துறை,உணவு,கனிமவளங்கள் 'அனைத்தும் தனியார்மயமாகி செத்த பிணமாகிவிட்டது என்ற அடிப்படையில் அதை சவப்பெட்டி போல சுமந்து ஊர்வலமாக வந்தனர்.
இந்த அரசுகள் அதை செய்ய தவறி இந்தியாவை முதலாளிகளுக்கு தாரை வார்த்துவிட்டனர் ஓட்டு போடுவது நாம் உரிமை கொண்டாடுவது முதலாளிகளா? தமிழக கிரானைட் மோசடியாகட்டும் அல்லது நிலகரி ஊழலாகட்டும் இயற்க்கை வளங்களை தனியாருக்கு கொடுப்பதால் தான் இத்தனை பிரச்சனைகளும் இயற்க்கை வளங்களை அரசே ஏற்று நடத்தினால் என்ன தவறு?இந்த அரசு தனியார்மய அரசு. பிரதமர் உட்பட இந்த அரசு அங்கத்தினர்கள் முகமூடி திருடர்கள்.
எனவே இந்தியாவை பெரு முதலாளிகளுக்கு விற்ற காங்கிரஸ் பா.ஜ.க வை புறக்கணிப்போம் ஊழலை ஒழிக்க அனைத்தையும் பொதுவுடமையாக்குவோம்.அதற்கே இந்த போராட்டம்' என்றார் இந்திய ஜனநாயக வாலிபர் சங்கத்தின் சேலம் மாநகர செயலாளர் பிரவீன்.
ஆர்பாட்டத்திற்கு பெண்களும் சிறுவர் சிறுமிகளும் பெருமளவு திரண்டு குருடாக்கி போன அரசு என்பதை சுட்டிக்காட்ட கண்கள் ஓட்டையான முக மூடிகளை போட்டு போராடியது அனைவரையும் திரும்பி பார்க்க வைத்தது.
படங்கள் : இளங்கோவன்
நன்றி நக்கீரன்
கருத்துகள் இல்லை:
கருத்துரையிடுக