இந்தியனின் கவலை

விடிந்தது உலகம் என கொண்டேன்-விரலை
விரித்து எழுந்த சூரியனை கண்டு!
வீதியில் பார்த்தேன் விடியவில்லை-விழுந்த
வேட்டியை மறந்த நிலை  மனிதனை கண்டு!

மது ஒன்று போதும் என்று-தினம்
மறவாமல் குடிப்பது உன் எண்ணம்!
மதுவோடு உன் உடலும் கரைவது.-கண்டு
மனம் கொதிக்கிறது என் மனம்.

குடியை குடித்து, குடியை மறந்த  மனம்-வாழ்க்கை 

அருகில் இருந்தும் அறியவில்லை 

அன்பை மறக்கும் போதைக்கு அடிமை நீ-குடி மகனாய் 

எப்போது  திருந்துவாய் உன்னை நீயே உணர்வாய்!

நீ யாரோ நான் அறியவில்லை-நீ 
நினைவின்றி காணும் போது பதறுகிறேன்!
நீ விடியலை தேடாமல் குடிப்பதை கண்டு -கண்களில் 
நீர் வடிக்கிறேன் உன் சகோதரனாய் துடிக்கிறேன்!