மிளகு.!மருத்துவக் கவிதைகள் .

மிளகு.!

விஷத்தை முறிக்கும்
விசியம் இதிலிருக்கு.

கை வைத்தியத்தில்
மிளகுக்கே முன்வுரிமை.

எதிரி வீடுக்கும்,
கைப் பிடி மிளகோடு
பயமின்றிப் போகலாம்.

மிளகு மற்றும் வால் மிளகு 

என இரு வகைப்படும்.

மிளகுக்கு 

மலையாளி, குறுமிளகு 

கோளகம்.என்ற 

பெயரும் உண்டு 

கொடிவகை செடி.

இதன் காய்களை

காயவைத்தாலே 

மிளகு அவதாரம்.

மிளகுப்பற்று கண்டால் 

தலைவலி ஓடும் 

மிளகுத் தூளும் 

உப்புத் தூளும் 

கலந்து பல் துலக்கி வர 

பல்வலி, ஈறுவலி, 

வாயில் துர்நாற்றம் 

எல்லாம் மறையும்.

மிளகு ரசம் என்றால்

சாதமும்

சத்தமில்லாமல் போகும்.

கண் திருஷ்டிக்கு

கண் கண்ட பொருள்.

ஊக்கம் பெறவும்

குறைகள் போக்கவும்...

விஷத்தை விரட்டும் 

மிளகு மருந்தாகும்

மிளகை நீ உண்டுவந்தால் 

பல நோய்க்கு தீர்வாகும்.