அப்பா...

அம்மா இறந்தாள் 

சுமங்கலியாய் 

பிள்ளைகளுக்கு 

அப்பா இனி 

சுமையாய் ...!

======================

அம்மா இறந்த பின் 

ஒதுக்கப்பட்ட 

ஜடமாய் அப்பா...!

======================

அம்மா இறப்பு 

பேசி பேசி 

கடைசியில் அப்பாவுக்கு 

இடம் முதியோர் இல்லம் 

=======================

கைப்பிடித்து நடை பழகிய 

மகன் சொன்னான் 

கை தடியை நான்றாய் 

பிடித்து நடந்தால் என்ன...!

மழையின் நடனம்

ஒதுங்கி  நடந்து 
மழையோடு போராட்டம் 
நனைத்தது பண்டிகையை 
உடையை...
=========================

குடைக்கு கொண்டாட்டம் 
சொன்னவிலைக்கு 
விலைப்போனது
மழைக்காலம்...

==========================
வறுமை  பூமிககு 
அன்ன தானம் 
மழை...!
=======================
இடி ஓசையோடு 

காற்று கவிதை பாட 

மின்னல் வெளிச்சத்தில் 
மழையின் நடனம் !

ஆயுதம்...!

பெண்களின் கண்களே 
உலகின் முதல் 
ஆயுதம்...!
======================
கண்ணுக்குள் 
வலையை விரித்து 
ஆண்களை 
அலைய விட்டு 
அழகு பார்க்கும் 
மாயக் கண்ணாடி..!
======================

கண்ணீர்...எனது 600 வது பதிவு

இறப்புக்கும் புதிய பிறப்புக்கும்,
சோகத்தோடும் ஆனத்தோடும்,
பதிவு செய்தன 
கண்ணீர்த் துளிகள் !
------------------------------------------------------------

உணர்வுகளை உண்மையாக்கும் 

உன்னத நண்பன்

கண்ணீராய் 

வருவான் 

அமைதியை  தருவான்...

=================================

சோகங்களை இணைத்து 

இரு கண்கள்  நடத்தும் 

போராட்டம் .

==================================

சின்னச் சின்ன பூக்கள் 

சிரித்து அழுது இறந்தன

கண்ணீர்த்துளிகளாய்!

--------------------------------------------------------------

காதலைப் பற்றி 
கண்கள் எழுதிய 
மறைக்க முடியா கவிதை....

கூந்தல்... துளிப்பாக்கள்!

காற்றே என்னவளின் 
கருப்புக் கவிதைகளை 
கலைத்து விடாதே!
======================

கார்குழலை பெண்ணின் 

தலைக்கு கிரீடமாய் 

வைத்துப்போனவர் யார் ?

========================

காரிகை காற்றில் சிரித்து 
உன்னை உரசிப்பார்க்கும்போது 
பொறாமை தான் எனக்கு.


=========================

வறுமை...துளிப்பாக்கள்.

வயிறு செய்த
களங்கம், இந்த
வறுமையின் காயம்.

===========================

அம்மா பிச்சை போடுங்க.
வறுமையின் கூப்பாடு
இல்லை மதத்தின் கோட்பாடு.

============================

வாழ்க்கையின் விலாசத்தை
அறிந்து வந்து போகும் 
வறுமை
ஏழைகளின்  பங்காளி.

===============================

வறுமையின் நிறம் சிவப்பு
ஏழைகள் என்றால் உகப்பு,
வந்துவிட்டால் 
வெறுத்துவிடும் பிறப்பு.

=================================

இளமையும் வறுமையும்,
சண்டைப்போட்டால்...
இளமை இணங்கி 

வறுமைக்கு வழிவிடும்

குற்றங்கள் செய்ய 

துணைப்போகும்....

==================================
வாழும் போது
பசியை தந்து 
உயிர்களை அபகரித்து 
கொண்டது வறுமை...
====================================

மழையின் காதலுக்கு...

மழையின்
காதலுக்கு
எழுதிய கவிதைகள்
தூறலாய் தூறப்பட்டன 

பூமிக் காதலிக்கு!
=============================

இடியின் துணையோடு,
மின்னலில் பூவெடுத்து
பூமிக்காதலிக்கு 

சூட்டப்பட்ட
மாலையே 

இந்த மழை!

========================

மேகத்தின் மோகத்தில்,
மழை காமம் கொள்ள,
கர்ப்பம் தரித்தாள்
பூமிக்காதலி !
தாவர குழந்தைகளை
பெற்று யெடுத்தாள்!

=====================

மழை காதலனுக்கும்
பூமிக்காதலிக்கும்,
சண்டையாம்,
மழையின் அழுகை
வெள்ளமாய் ஓடியது!

============================

பூமியின் மேல் கொண்ட
மழையின் காதலுக்கு,
கறுப்புக்குடை பிடித்து,
எதிர்ப்புத் தெரிவித்து
ஒதிங்கினர்

மனிதர்கள்!

=============================

கூந்தல் தந்த துளிப்பாக்கள்!

கார்மேகம் 

இந்த பெண்ணோடு
உறவாடுதா இல்லை
இடையோடு 

கொஞ்சிப்பேசுகிறதா

================================

காரிகை 

காற்றில் சிரித்து
உன்னை 

உரசிப்பார்க்கும்போது
பொறாமை தான் எனக்கு.

============================

கார்குழலை 

பெண்ணின்
தலைக்கு கிரீடமாய்
வைத்துப்போனவர் யார் ?

============================

ஒரு கருப்பு 

நீர்விழ்ச்சி,
காற்றில் 

கவிப்பாடியதை
இன்று தான் பார்க்கிறேன்.

=============================

காற்றே என்னவளின்
கருப்புக் கவிதைகளை
கலைத்து விடாதே...

இந்த அருவியே சாட்சி!

மேகம் எழுதியவைகளை
மலை பிரசிவித்தது
வெள்ளைக் கவிதையாய்.

=========================

மேகத்தின் சூழ்ச்சி
மகிழ்ச்சி கண்டது
வீழ்ச்சியோடு 

அருவியாய் மாறியது .

========================

மலைக்க வைக்கும் 

இந்த காட்சி
மேகத்தின் மோகத்துக்கு
இந்த அருவியே சாட்சி!

=========================

மலைக்கும் காதல்
மேகத்தோடு கூடல்,
அருவியாய் சொன்னது .

குப்பைத் தொட்டி

தாயின் கருவறைகள்
தந்த உயிர்களுக்கு
அடைக்கலம்.
==================

குப்பைத் தொட்டி
கருவறைகளாய் மாற
குப்பையானது சில
தாயிகளின் கருவறைகள்

====================

காதலில் இணைத்து 

காமத்தில் கலந்து 

கலைக்கமுடியா கருவுக்கு 

முகவரி...

=====================

கவிதை!துளிப்பாக்கள்...

கனவில்  கலந்து
கற்பனையில் உறவாகி     

கருவுற்றது கவிதை!

=============================

கற்பனைக்கு நிலவோ

பெண்ணாகி கவிதைக்கு
உயிராகியது.

==============================

கற்பனை கனவோடு 

இரவுக்குள் நுழைந்து 

மறுநாள்  மறுபிறவி

=============================

உங்கள் கருத்துக்களை பதிவு செய்யுங்கள்.உங்கள் ஊக்கமே எனது ஆக்கமாய் மாறட்டும்!

மலர்கள் ( துளிப்பாக்கள்)

மணம் வீசும் கொழுந்து,
மயக்கும் பொழுது, மனதை
கொள்ளைக் கொள்ளும், மரிக்கொழுந்து.

=======================================

காதலர்களின் சின்னம்.
நிறத்திலோ பல வண்ணம்,
சிகப்பு ரோஜா என்றே சொல்லும்.

==================================

நிலவின் வருகையை கண்டு
எழுத துடிக்கும் மலர்க் கவிதை.
மலர்ந்த அல்லி.

=================================

சூரியனின் கண் பட்டு
தன்னை மறக்கும் இழக்கும்
தண்ணீர்த் தாமரை 
======================================
என்யவளின் கூந்தலுக்கு,
வரையப்பட்ட அழகு ஓவியம்
மல்லிகை 


=============================
மனதில் பதிந்த மணம்
மெல்லிய இடைச் சொல்லும்
இது முள்ளில்லா முல்லரும்பு.

================================

உங்கள் கருத்துக்களை பதிவு செய்யுங்கள்.உங்கள் ஊக்கமே எனது ஆக்கமாய் மாறட்டும்!

கண்கள்...!துளிப்பாக்கள்!

கண்டவர்களை ஈர்க்க,
மையோடு பொய்ழுதிய
கவிதையிது!
=============================
இமை முடி திறந்து,
மெய்மறக்க செய்யும்,
போதை இது!
===================================
அரசன் முதல் ஆண்டி வரை
அடிமை படுத்திய,
சூத்திரமிது!
===================================
சூழ்ச்சிக்குள் இரையாக்கும் 
வேதியல் உருமாற்று
உலோகமிது .
===================================
கண்ணுக்குள் மையிட்டு
இமைக்குள்  இணங்கவைக்கும்
ஆயுதமிது!

===================================

கன்னியரின் கண்பட்டால் 

போதும், கால் கடுக்க 

நிறுக்கும் உலகமிது!

==================================

இவள் இமை முடி சிரித்துவிட்டாள்

காதல் என்று கொள்ளும் 

காளையர் பூமிது!

எய்ட்ஸ்!துளிப்பாக்கள்.

விடியும் வரை கட்டில் பாடம் 

விபரிதமறியாமலே விண்ணப்பம்

எய்ட்ஸ் ஏற்றுக்கொண்டது!

================================

இருந்ததை கொடுத்து

இரவில் வாங்கியது 

அழிக்கும் எய்ட்ஸ்!

=================================

விடிய விடிய சொல்லியும் 

விழிப்புணர்வு வரவில்லை 

எய்ட்ஸ் வரும்வரை!

=================================

இவன் விரும்பியதை நடத்த 

அவள் இருந்ததை தந்தாள்.

எய்ட்ஸ்!

==================================

விலைமகள் !துளிப்பாக்கள்.

வாசிக்கத் துடித்தவர்கள்,
வாசித்தப் பின் தந்த பட்டம்
வேசி, தாசி !

===============================

நேயர் விருப்பத்திற்கு பின்
தன் குழந்தைக்கு
தலாட்டுத் தொடரும்.

================================

விலைப் பேசி,வீழ்ந்தபின்
விடிந்தவுடன் சொல்கிறான்,
விலை மகள் என்று.

================================

உதடுகள் எழுதிய கவிதைகள் .

உதடுகள் எழுதும்
காற்றுக் கவிதை
இசையாய் வந்தது.

===================
காற்றுக்கும் காதலாம்
மூங்கிலில் கவிதைப் பாடியது
புது இசையாய்!
---------------------------------------

உதடுகள் பேசும்
காற்றின் வார்த்தைகளை
இசையாய் மொழிபெயர்த்தது.
-------------------------------------
மூங்கில் முகம் கண்டு
உதடுகள் மீட்ட காற்றும்,
இசையாய் உரு மாறும்

பேருந்து! பற்றிய துளிப்பாக்கள்!

மூட்டைகள் போல 
திணிக்கப்பட்ட மனிதர்கள்
அரசு பேருந்து!
==================

பழைய காதலை,

                                                தூசித்தட்டி சொன்னது,

கல்லூரி பேருந்து!
==================

அழுது,அடம்பிடிக்க,
அமுக்கப்பட்ட நிலையில்,
பள்ளிப் பேருந்து!
===================

சர்க்கஸ் ஆட்டத்துடன்,
திரைப்பாடல்கள் ஒலிக்க
புழுதியோடு கிராமத்து பேருந்து!
=========================

காற்றில் கலப்படம்.

நச்சுகளை வெளியிடும்
தொழிற்சாலைகள்...
இவர்களுக்கு பெயர்
தொழிலதிபர்கள்.